Náms- og starfsráðgjöf

Símenntunarmiðstöðin hefur frá árinu 2006 boðið upp á náms- og starfsráðgjöf fyrir fullorðið fólk atvinnulífinu.

Yfirmarkmið náms- og starfsráðgjafar er að stuðla að velferð einstaklinga með hagsmuni þeirra að leiðarljósi. Ennfremur að efla vitund einstaklinga um hæfileika sína, reynslu, viðhorf og áhuga þannig að þeir geti sem best notið sín í námi og starfi.

Í dag er mikilvægt að hver og einn leiti leiða til að bæta við sig þekkingu og auka færni sína. Þannig styrkir viðkomandi sig í starfi og á vinnumarkaði. Það styrkir sjálfsmyndina og eykur lífsánægju að fást við það sem hver og einn hefur áhuga á.

Mörgum finnst náms- og starfsval flókið og framboð menntunar vera frumskógur sem erfitt er að rata um. Eins geta persónulegir þættir og námserfiðleikar verið hindrun. Náms- og starfsráðgjafi er sérfræðingur í ráðgjöf um það sem lýtur að námi og störfum og greiðir götu einstaklinga eins og frekast er unnt.

Segja má að náms- og starfsráðgjöf skiptist í upplýsingar og fræðslu um nám og störf, ráðgjöf um nám og störf, og persónulega ráðgjöf og stuðning. Í þessu getur m.a. falist námstækni, sjálfstyrking, gerð ferilskráar og atvinnuumsókna, áhugasviðspróf, raunfærnimat, lestrargreining og aðstoð við náms- og starfsval.

Náms- og starfsráðgjöfin fer fram um allt Vesturland og er viðtal við náms- og starfsráðgjafa fólki að kostnaðarlausu.*

Hægt er að senda tölvupóst á netfangið vala@simenntun.is eða hringja í s. 437-2390 / gsm 863-9124 og óska eftir viðtali. Þau fyrirtæki sem vilja bjóða starfsfólki sínu upp á náms- og starfsráðgjöf geta óskað eftir kynningu á þjónustunni.

Náms- og starfsráðgjafi Símenntunarmiðstöðvarinnar er Guðrún Vala Elísdóttir.

*Strong áhugasviðspróf kostar kr. 10.900, en mörg stéttarfélög veita styrki til þessa eins og um námskeið væri að ræða.